 യോങ്കേഴ്‌സിലെ സെന്റ് മേരീസ് മലങ്കര കത്തോലിക്ക ദേവാലയത്തില്‍ എല്ലാ ശനിയാഴ്ചയും വൈകുന്നേരം 4:30ന് ഈ മിഷന്റെ വിശുദ്ധ കുര്‍ബാന ആരംഭിച്ചു. മിഷനെ കൂടുതല്‍ സജീവമാക്കുവാന്‍ കൂടാരയോഗം, ബില്‍ഡിങ് കമ്മിറ്റി, പാരിഷ് കൗണ്‍സില്‍ എന്നിവയ്ക്ക് രൂപം കൊടുത്തു. പുതിയ കൈകാരന്മാരായ ജോയി വാഴമാലയില്‍, ചാക്കോമാന്‍ മൂലേപ്പറമ്പില്‍ എന്നിവര്‍ക്ക് നാളിതുവരെ കൈക്കാരന്മാരായിരുന്ന എബ്രഹാം പുലിയലാകുന്നേല്‍, റെജി ഒഴുങ്ങാലില്‍ എന്നിവര്‍ ചാര്‍ജ് കൈമാറി. ലിറ്റര്‍ജി കോര്‍ഡിനേറ്റര്‍ ആയി അലക്‌സ് പൂത്രക്കടവില്‍, മിഷന് സെക്രട്ടറി ആയി തോമസ് പാലച്ചേരില്‍, ഓഡിറ്ററായി രാജു വാലേമഠത്തില്‍ എന്നിവരെ തിരഞ്ഞെടുത്തു. മിഷന്റെ ശനിയാഴ്ചകളിലെ ആദ്യത്തെ വിശുദ്ധ കുര്‍ബാന മിഷന്റെ ഡയറക്ടര്‍ ഫാ. ജോസഫ് ആദോപ്പിള്ളില്‍ മാര്‍ച്ച് രണ്ടാം തിയതി അര്‍പ്പിച്ചു. അതോടോപ്പോംതന്നെ പുതിയ ഒരു ദേവാലയത്തെ സ്വപ്നം കണ്ടുകൊണ്ടു പ്രാര്‍ത്ഥനയും ആരംഭിച്ചു. വിശുദ്ധ കുര്‍ബാനക്കിടയില്‍ സെന്റ് മേരീസ് മലങ്കര ഇടവക വികാരി ഫാ. ലിജു തുണ്ടിയില്‍ മിഷന് അംഗങ്ങളെ ഈ ദേവാലയത്തിലേക്ക് സ്വാഗതം ചെയ്തു. ക്‌നാനായ റീജിയന്‍ വികാരി ജനറല്‍ ഫാ. തോമസ് മുളവനാല്‍ മിഷന് അംഗങ്ങള്‍ക്ക് ആശംസകള്‍ നേര്‍ന്നു.
|
Home > Recent News >