Home‎ > ‎

Recent News


ഒർലാൻഡോ ക്നാനായ മിഷന് സ്വന്തമായൊരു ദൈവാലയം

posted May 2, 2021, 6:40 AM by News Editor

ഒർലാൻഡോ: 
ചിക്കാഗോ സീറോ മലബാർ രൂപതയുടെ ക്നാനായ കാത്തലിക് റീജിയന്റെ ഭാഗമായ ഫ്ലോറിഡായിലെ ഓർലാൻഡോയിൽ പ്രവർത്തിക്കുന്ന സെ.സ്റ്റീഫൻ ക്നാനായ കാത്തലിക് മിഷന് പുതിയ ദൈവാലയം ഇന്ന് സ്വന്തമായി. ഒർലാൻഡോ സിറ്റിയിലെ സസെക്സ് ഡ്രൈവിലുള്ള നാലേക്കർ സ്ഥലവും ദൈവാലയവും വാങ്ങിയാണ്    ഒർലാൻഡോയിലെ ക്നാനായ സമൂഹം അജപാലന സൗകര്യം വർദ്ധിപ്പിക്കുന്നത്.

2017 ഡിസംബറിലാണ് ഒരു മിഷൻ സ്ഥാപിക്കുവാനുള്ള ആഗ്രഹം  ഒർലാൻഡോയിലെ ക്നാനായ കുടുംബങ്ങൾ രൂപതാ കേന്ദ്രത്തിൽ അറിയിച്ചത്. ടാമ്പാ സേക്രഡ് ഹാർട്ട് ദൈവാലയത്തിന്റെ ഭാഗമായിരുന്ന മുപ്പതോളം കുടുംബങ്ങളാണ് ഓർലാൻഡോയിൽ ഉള്ളത്. 2018 മെയ് 25ന് സെ.സ്റ്റീഫന്റെ നാമധേയത്തിലുള്ള ഒർലാൻഡോ ക്നാനായ മിഷൻ മാർ ജോയി ആലപ്പാട്ട് പിതാവ് ദിവ്യബലി അർപ്പിച്ച് ഉദ്ഘാടനം ചെയ്തു . പുതിയ മിഷൻ ഡയറക്ടറായി ഫാ.മാത്യു മേലേടം നിയമിതനായി. ഫാ.ജോസ് ശൗര്യംമാക്കൽ മിഷൻ രൂപീകരണവേളയിൽ നേതൃത്വം നൽകിയിരുന്നു.

ഒർലാൻഡോ മിഷന് 2019 മാർച്ച് മാസത്തിൽ  2 ഏക്കറ് സ്ഥലവും വീടും വാങ്ങി. ഈ മിഷനിൽ എല്ലാമാസവും വി.ബലിയും  കൂടാരയോഗങ്ങളും സജീവമായി നടന്നു പോന്നു. 2020 ജനുവരി മുതൽ ബഹുമാനപ്പെട്ട ജോസ് അദോപ്പള്ളിഅച്ചൻ മിഷന്റെ ഡയറക്ടറായി ചുമതല ഏറ്റെടുത്തു. ഒർലാൻഡോയിലെ യൂണിവേഴ്സിറ്റി ഓഫ് സെൻട്രൽ ഫ്ലോറിഡായുടെ സമീപത്താണ് പുതുതായി വാങ്ങിയ ദൈവാലയവും നാലേക്കർ സ്ഥലവും സ്ഥിതി ചെയ്യുന്നത്.

സ്വന്തമായ ഒരു ദൈവാലയം എന്ന ഒർലാൻഡോ ക്നാനായ വിശ്വാസ സമൂഹത്തിന്റെ ആഗ്രഹം സഫലമാകുന്നതിന് ബഹുമാനപ്പെട്ട ജോസ് അദോപ്പള്ളിഅച്ചനും ക്നാനായ റീജിയൻ ഡയറക്ടർ മോൺ. തോമസ് മുളവനാലും പ്രോത്സാഹനം നൽകി. കൈക്കാരന്മാരായ ബോബി കണ്ണംകുന്നേൽ, ജിമ്മി കല്ലൂറുബേൽ എന്നിവരുടെ നേതൃത്വത്തിൽ മിഷനിലെ പാരീഷ് കൗൺസിൽ അംഗങ്ങളും എല്ലാ കുടുംബങ്ങളും ഒത്തുചേർന്നു പ്രവർത്തിച്ചു.

അമേരിക്കയിൽ ക്നാനായ കത്തോലിക്ക റീജിയൻ സ്ഥാപിതമായിട്ട് 15 വർഷം പൂർത്തിയാകുന്ന ഇന്ന് (ഏപ്രിൽ 30) റീജിയണിലെ പതിനഞ്ചാമത്തെ ദൈവാലയമായി ഒർലാൻഡോ മിഷൻ മാറുന്നതിൽ വലിയ ദൈവകൃപയും കൃതാർത്ഥതയും ഉണ്ടെന്ന് ക്നാനായ റീജിയൻ ഡയറക്ടർ മോൺ. തോമസ് മുളവനാൽ അനുസ്മരിച്ചു. ഒർലാൻഡോയിലെ ക്നാനായ സമൂഹത്തിന്റെ ദൈവ ആശ്രയവും കൂട്ടായ പരിശ്രമവും റീജിയണിലെ വിവിധ ദൈവാലയങ്ങളുടെ സഹായസഹകരണവുമാണ് സ്വന്തമായൊരു ദൈവാലയവും അനുബന്ധ അജപാലന സൗകര്യങ്ങളും വളർത്തിയെടുക്കുവാൻ കാരണമായത്.

പുതിയ ദൈവാലയം യാഥാർഥ്യമാക്കിയ ഒർലാൻഡോ മിഷന് സീറോ മലബാർ രൂപതയുടെയും ക്നാനായ കാത്തലിക് റീജിയന്റെയും അഭിനന്ദനങ്ങളും ആശംസകളും പ്രത്യേകം അറിയിക്കുകയുണ്ടായി.

ബിബ്ലിയ 2021 - മാർച്ച് 22 മുതൽ 26 വരെ തിയതികളിൽ

posted Mar 13, 2021, 8:30 AM by News Editor

ഈ വർഷത്തെ ഈസ്റ്ററിന്  ഒരുക്കമായി നമ്മുടെ ക്നാനായ റീജിയനിൽപെട്ട എല്ലാ ഇടവകകളും മിഷനുകളും ചേർന്ന്  മാർച്ച്  22 മുതൽ 26 വരെ തിയതികളിൽ  ബിബ്ലിയ 2021 എ
ന്ന പേരിൽ ഒരു ബൈബിൾ തീർത്ഥാടനം  നടത്തുവാൻ ഉദ്ദേശിക്കുകയാണ്. നമ്മുടെ റീജിയണിലെ പരമാവധി എല്ലാ കുടുംബങ്ങളും ചേർന്ന്, രാപ്പകൽ വ്യത്യാസമില്ലാതെ, ഉല്പത്തി മുതൽ വെളിപാട് വരെ ബൈബിൾ മുഴുവനായി വായിച്ചു കൊണ്ടാണ് 5 ദിനരാത്രങ്ങൾ നീളുന്ന അഖണ്ഡ ബൈബിൾ പാരായണം ഒരുക്കിയിരിക്കുന്നത്.

കര്‍ത്താവേ, മരുന്നോ ലേപനൗഷധമോ അല്ല, എല്ലാവരെയും സുഖപ്പെടുത്തുന്ന അങ്ങയുടെ വചനമാണ്‌ അവരെ സുഖപ്പെടുത്തിയത്‌. (ജ്‌ഞാനം 16 : 12)

ഈ മഹാമാരിയുടെ കാലഘട്ടത്തിൽ ഇടവക സമൂഹം ഒന്നുചേർന്ന് വിശുദ്ധഗ്രന്ഥം മുഴുവനായി വായിച്ച്  നോർത്ത് അമേരിക്കയിലെ എല്ലാ ക്നാനായ  കുടുംബങ്ങളുടെയും  ഓരോ വ്യക്തികളുടെയും നമ്മുടെ  ദേശത്തിന്റെയും സുരക്ഷയ്ക്കും സൗഖ്യത്തിനും വേണ്ടി പ്രാർത്ഥിക്കുവാൻ ഈ അവസരം നമുക്ക് പ്രയോജനപ്പെടുത്താം. ഒരാൾക്ക് അര  മണിക്കൂർ എന്ന ക്രമത്തിൽ മാറി മാറി ഓരോരുത്തർ വായിച്ചാൽ 5 ദിവസം കൊണ്ട് ബൈബിൾ മുഴുവനായി, ഉൽപ്പത്തി മുതൽ വെളിപാട് പുസ്തകം വരെ പൂർത്തിയാക്കാൻ കഴിയും. 

നിങ്ങൾ ചെയ്യേണ്ടത്:

ഇതോടൊപ്പം താഴെ കൊടുത്തിരിക്കുന്ന  ലിങ്കിൽ പേര് രജിസ്റ്റർ ചെയ്യുക. ഒരാൾ ഒരു പ്രാവശ്യം മാത്രമേ രജിസ്റ്റർ ചെയ്യാവൂ. ഒരു വീട്ടിലെ കുട്ടികളും മുതിർന്നവരും ഉൾപ്പെടെ കുടുംബാംഗങ്ങളെല്ലാം വിവിധ സമയങ്ങളിലും ദിവസങ്ങളിലും രജിസ്റ്റർചെയ്യാം. ഒരോരുത്തരും നിങ്ങൾ രജിസ്റ്റർ ചെയ്യുന്ന സമയത്ത്, അര മണിക്കൂർ സമയമാണ് ബൈബിൾ വായിക്കുക. മലയാളത്തിലോ ഇംഗ്ലീഷിലോ ബൈബിൾ വായിക്കാം. ഒരാൾ വായിച്ചു നിർത്തിയതിന്റെ  ബാക്കിയാണ് തുടന്നു വരുന്ന ആൾ വായിക്കുന്നത്. 

 നമ്മുടെ ക്നാനായ റീജിയണിലെ ഓരോ കുടുംബങ്ങളുടെയും  നന്മയ്ക്കും വിശൂദ്ധീകരണത്തിനും വിശ്വാസ കൂട്ടായ്മക്കുമായി തിരുവചനം വായിച്ച് ധ്യാനിക്കുന്ന ഈ അനുഗ്രഹീത സംരംഭത്തിൽ നമുക്ക് എല്ലാവർക്കും  പങ്കാളികളാകാം.  എത്രയും വേഗം നിങ്ങൾ പേര് രജിസ്റ്റർ ചെയ്യുമല്ലോ. Zoom മിലൂടെയാണ് വായന ക്രമീകരിക്കുന്നത്. കൂടുതൽ നിർദ്ദേശങ്ങൾ പിന്നീട്ട് നല്കുന്നതാണ്.  



ക്നാനായ റീജിയൻ കുട്ടികൾക്കായി നോമ്പുകാല ധ്യാനം സംഘടിപ്പിക്കുന്നു

posted Mar 13, 2021, 8:07 AM by News Editor   [ updated Mar 13, 2021, 8:23 AM ]

ക്നാനായ റീജിയണിലെ ഇൻഫന്റ് മിനിസ്ട്രിയുടെയും മിഷൻ ലീഗിന്റെയും നേതൃത്വത്തിൽ കുട്ടികൾക്കായി നോമ്പുകാല ക്രിസ്റ്റീൻ ധ്യാനം സംഘടിപ്പിക്കുകയാണ് . അമ്പത് നോയമ്പിൽ ഉത്ഥാന തിരുനാളിനായി ആത്മീയമായി കുഞ്ഞുങ്ങളെ ഒരുക്കുക എന്ന ലക്ഷ്യത്തോടെയാണ് മാർച്ച് 27 ന് ധ്യാനം സംഘടിപ്പിക്കുന്നത് . ക്രിസ്റ്റീൻ ധ്യാനത്തിന് അമ്മേരിക്കയിൽ ജനിച്ച് വളർന്ന് സന്യസ്ത ജീവിതം തിരഞ്ഞെടുത്ത സി. ഡിയാന ആയിരിക്കും നേതൃത്വം നൽകുന്നത് . ക്നാനായ റീജിയണിലെ 8 ഗ്രയിഡ് വരെ പഠിക്കുന്ന കുട്ടികൾക്കാണ് ധ്യാനം സംഘടിപ്പിച്ചിരിക്കുന്നത്.

ചിക്കാഗോ സെ.മേരീസ് ഇടവകയിൽ പുതുവത്സര കലണ്ടർ പ്രകാശനം ചെയ്തു.

posted Jan 9, 2021, 12:04 PM by News Editor IL   [ updated Jan 9, 2021, 12:30 PM ]


ചിക്കാഗോ: സെ.മേരീസ് ക്നാനായ കത്തോലിക്കാ ഇടകവയിൽ ഡിസംബർ 31 വ്യാഴാഴ്ച വൈകിട്ട് 7 ന് നടന്ന വി. വിശുദ്ധ കുർബാനയ്ക്ക് ശേഷം ഇടവക വികാരി ഫാദർ തോമസ് മുളവാനാൽ 2021 ലേക്കുള്ള പുതുവത്സര കലണ്ടറിന്റെ കോപ്പി ശ്രീ. മത്തച്ചൻ ചെമ്മാച്ചേലിന് നൽകി പ്രകാശനം ചെയ്തു. ഫാ.റ്റോം കണ്ണന്താനം, ഡീക്കൻ ജോസഫ് തച്ചാറ പാരിഷ് ട്രസ്റ്റീസ് സാബു നടുവീട്ടിൽ, സണ്ണി മേലേടം, ജോമോൻ തെക്കേപറമ്പിൽ, സിനി നെടുംതുരുത്തിയിൽ, എന്നിവർ ചടങ്ങിൽ സന്നിഹിതരായിരുന്നു. സെ.ജോസഫ് ഇയർ പ്രമാണിച്ച് പ്രസിദ്ധീകരിച്ച  പ്രാർത്ഥന കാർഡുകളും തദവസരത്തിൽ പ്രകാശനം ചെയ്തു. അന്നേ ദിവസം രാത്രി 10 മണിക്ക് വർഷാവസാന പ്രാർത്ഥനയും കൃതജ്ഞതാബലിയും അർപ്പിച്ചെ പുതുവത്സരത്തെ വരവേറ്റു.

  

സ്റ്റീഫൻ ചൊള്ളമ്പേൽ (പി.ആർ.ഒ)


കാരുണ്യപ്രവർത്തനങ്ങൾ കൊണ്ട് വ്യത്യസ്ഥമായി ന്യൂജേഴ്‌സി ക്നാനായ കാത്തലിക് യൂത്ത് മിനിസ്ട്രി

posted Jan 9, 2021, 12:01 PM by News Editor IL

ന്യൂ ജേഴ്സി ക്നാനായ കത്തോലിക്ക ദൈവാലയത്തിലെ യൂത്ത്മിനിസ്ടിയിലെ യുവജനങ്ങൾ പ്രവർത്തനങ്ങൾ കൊണ്ട് വ്യത്യസ്ഥ മാകുന്നു. കാരുണ്യ പ്രവർത്തനങ്ങൾ മുഖമുദ്രയായി സ്വീകരിച്ച യുവജനങ്ങൾ തങ്ങളുടെ വികാരി ഫാ ബീൻസ് ചേത്തലിന്റെ പതിനഞ്ചാമത് പൗരോഹിത്യ വാർഷികത്തോട് അനുബന്ധിച്ച് ഉപരിപഠനത്തിന് സാമ്പത്തിക ബുദ്ധിമുട്ട് അനുഭവപ്പെടുന്ന നാട്ടിലെ ഒരു കുട്ടിയുടെ ഒരു വർഷത്തെ ഫീസ് കോട്ടയം അതിരൂപത യുവജന സംഘടനയായ കെ സി വൈ എൽ വുമായി സഹകരിച്ച് നൽകുന്നു. ഇടവകയിലെ വിവിധ സുമനസ്സുകളുടെ സഹകരണത്തോടെയാണ് ഈ പദ്ധതി നടപ്പിലാക്കുന്നത് . ഇടവക വിശ്വാസ സമൂഹം യുവജനങ്ങളുടെ സുമനസ്സിനെ അഭിനന്ദിച്ചു.

ചെറുപുഷ്പ മിഷന്‍ലീഗ് റീജിണല്‍തലത്തില്‍ ക്രിസ്തുമസ് ആഘോഷിച്ചു.

posted Jan 9, 2021, 11:59 AM by News Editor IL

അമേരിക്കയിലെ ക്‌നാനായ റീജിയണിലെ ചെറുപുഷ്പ മിഷന്‍ലീഗിന്റെ ആഭിമുഖ്യത്തില്‍ ഓണ്‍ലൈനിലൂടെ ക്രിസ്തുമസ് ആഘോഷിച്ചു. ഡീക്കന്‍ ജോസഫ് തച്ചാറ നയിച്ച ക്രിസ്തുമസ് ഒരുക്ക ധ്യാനത്തിലൂടെ പരിപാടികള്‍ക്ക് തുടക്കം കുറിച്ചു. തുടര്‍ന്ന് വിവിധ കളികളിലൂടെയും ക്രിസ്തുമസ് വേഷവിധാനങ്ങള്‍ ധരിച്ചും നടത്തിയ ആഘോഷങ്ങള്‍ക്ക് ഷാരോണ്‍ ചിക്കാഗോ നേതൃത്വം നല്‍കി. മിഷന്‍ ലീഗ് റീജിണല്‍ ഡയറ്കടര്‍ ഫാ.ബിന്‍സ് ചേത്തലില്‍, റീജിണല്‍ കോര്‍ഡിനേറ്റര്‍മാരായ സിജോയ് പറപ്പളളില്‍, സുജ ഇത്തിത്തറ, സി.സാന്ദ്ര (SVM) എന്നിവര്‍ പരിപാടികള്‍ ക്രമീകരിച്ചു.

കുഞ്ഞിപ്പൈതങ്ങളുടെ ആദ്യത്തെ ക്രിസ്തുമസ്സ് ആഘോഷിച്ചു.

posted Jan 9, 2021, 11:50 AM by News Editor IL

ന്യൂ ജേഴ്സി: ക്നാനായ കത്തോലിക്ക ദൈവാലയത്തിൽ കുഞ്ഞിപ്പൈതങ്ങളുടെ ആദ്യത്തെ ക്രിസ്തുമസ്സ് ആഘോഷം നടത്തപ്പെട്ടു. ക്രിസ്തുമസ്സ് തീരുകർമ്മങ്ങളോട് അനുബന്ധിച്ച് ഈ വർഷം പിറന്ന് ആദ്യമായി ജീവിതത്തിൽ ക്രിസ്തുമസ്സ് ആഘോഷിക്കുന്ന കുട്ടികളെ മാതാപിതാക്കൾ ദൈവാലയത്തിൽ കൊണ്ട് വരുകയും അവർക്ക് പ്രത്യേക സ്വീകരണവും പ്രാർത്ഥനയും നടത്തപ്പെടുകയും അവർക്ക് പ്രത്യേക സമ്മാനങ്ങൾ നൽകി ആദരിക്കുകയും ചെയ്തു. ഈവർഷം ന്യൂ ജേഴ്സ് ക്രിസ്തുരാജ ദൈവാലയത്തിൽ 11 പുതിയ കുഞ്ഞുങ്ങളെ സ്വീകരിച്ച് ആദരിക്കുകയും ദൈവത്തിന് കൃതജ്ഞത അർപ്പിച്ച് പ്രാർത്ഥിക്കുകയും ചെയ്തു.

ന്യൂജേഴ്സി ക്രിസ്തുരാജ ക്നാനായ ഇടവകയിൽ പുഷ്പവടി നിർമ്മാണ മത്സരം.

posted Jan 9, 2021, 11:48 AM by News Editor IL   [ updated Jan 9, 2021, 11:54 AM ]

ന്യൂജേഴ്സി ക്രിസ്തുരാജ ക്നാനായ കത്തോലിക്ക ഇടവകയിൽ വിമൺസ് മിനിസ്ടിയുടെ നേതൃത്വത്തിൽ വി യൗസേപ്പിതാവിന്റെ വർഷാചരണത്തോട് അനുബന്ധിച്ച് പുഷ്പവടി നിർമ്മാണ വീഡിയോ മത്സരം സംഘടിപ്പിക്കുന്നു. ഫെബ്രുവരി 14 ഞായറാഴ്ച വിമൻസ് മിനിസ്ട്രിയുടെ പ്രവർത്തന വർഷോദ്ഘാടനം നടത്തപ്പെടും . കുടുംബ സമേതം പങ്കെടുക്കാവുന്ന പത്ത് മിനിട്ട് ദൈർഘ്യം ഉള്ള ഈ മത്സരം വി യൗസേപ്പിതാവിന്റെ വർഷാചരണത്തിന്റെ ചൈതന്യ നിറവിൽ ഏറെ വ്യത്യസ്ഥമായി മാറുന്നു. വീമൺസ് മിനിസ്ട്രിയുടെ നേതൃത്വത്തിൽ ഈ മത്സരത്തിൽ ഇതിനോടകം നിരവധി കുടുംബങ്ങൾ പേരുകൾ രജിസ്ടർ ചെയ്തു.

ക്‌നാനായ റീജിയണില്‍ ഇന്‍ഫന്റ് മിനിസ്ട്രിയുടെ പ്രവര്‍ത്തനങ്ങള്‍ക്ക് തുടക്കമായി.

posted Jan 9, 2021, 11:45 AM by News Editor IL

ഇന്‍ഫന്റ്‌ മിനിസ്‌ട്രിയുടെ, ക്‌നാനായ കാത്തലിക്‌ റീജിണല്‍ തലത്തിലുള്ള പ്രവര്‍ത്തനങ്ങള്‍ക്ക്‌ ഔദ്യോഗിക തുടക്കം കുറിച്ചു. കുഞ്ഞിപൈതങ്ങളുടെ തിരുനാളിനോടനുബന്ധിച്ച്‌, കിണ്ടര്‍ഗാര്‍ഡന്‍ മുതല്‍ മൂന്നാം ഗ്രേഡ്‌ വരെയുള്ള കുട്ടികള്‍ക്കായി ഓണ്‍ലൈനിലൂടെ റിന്യൂ-2020 (Renew 2020) എന്ന പരിപാടി സംഘടിപ്പിച്ചു. ക്‌നാനായ റീജിണല്‍ വികാരി ജനറാള്‍ മോണ്‍. തോമസ്‌ മുളവനാല്‍ പരിപാടികള്‍ ഉദ്‌ഘാടനം ചെയ്‌തു. ഇന്‍ഫന്റ്‌ മിനിസ്‌ട്രി ഡയറക്‌ടര്‍ ഫാ. ബിന്‍സ്‌ ചേത്തലില്‍, സിജോയ്‌ പറപ്പള്ളില്‍ എന്നിവര്‍ സംസാരിച്ചു. അനോയിറ്റിംഗ്‌ ഫയര്‍ കാത്തലിക്‌ മിനിസ്‌ട്രി (എ.എഫ്‌.സി.എം) യിലെ അംഗങ്ങള്‍ പരിപാടികള്‍ക്ക്‌ നേതൃത്വം നല്‌കി. ക്‌നാനായ കാത്തലിക്‌ റീജിയണിലെ വിവിധ ഇടവകകളില്‍നിന്നും മിഷനുകളില്‍നിന്നുമുള്ള കുട്ടികള്‍ പരിപാടികളില്‍ പങ്കെടുത്തു.

റൂബി ജൂബിലിയോടനുബന്ധിച്ച് “ഫാ. ഏബ്രഹാം മുത്തോലത്ത് ഫൗണ്ടേഷൻ” ഉദ്ഘാടനം ചെയ്തു.

posted Dec 27, 2020, 2:24 PM by News Editor IL

ചിക്കാഗോ: പൗരോഹിത്യ ശുശ്രൂഷയിൽ 40 സംവത്സരം പൂർത്തിയാക്കിയ റവ. ഫാ. ഏബ്രഹാം മുത്തോലത്ത് സാമൂഹ്യസേവനത്തിനും മിഷൻ പ്രവർത്തനത്തിനും നടത്തിവരുന്ന സാമ്പത്തിക സഹായം നിരന്തരം തുടരുന്നതിനു വേണ്ടി സ്ഥാപിച്ച “ഫാ. ഏബ്രഹാം മുത്തോലത്ത് ഫൗണ്ടേഷ“ന്റെ ഉൽഘാടനം ചിക്കാഗോ സീറോമലബാർ രൂപതാദ്ധ്യക്ഷൻ മാർ ജേക്കബ്‌ അങ്ങാടിയാത്ത് നിർവ്വഹിച്ചു. തുടർന്ന് ഈ ഫൗണ്ടേഷന്റെ വെബ് സൈറ്റ് (www.frabrahamfoundation.org) സഹായമെത്രാൻ മാർ ജോയി ആലപ്പാട്ട് ഉൽഘാടനം ചെയ്തു. 2020 ഡിസംബർ 19 ശനിയാഴ്ച വൈകുന്നേരം 5:30ന് പ്രവാസി ക്നാനായക്കാരുടെ പ്രഥമ ദൈവാലയമായ ചിക്കാഗോ തിരുഹൃദയ ഫൊറോനാ പള്ളിയിൽ, ഫാ. ഏബ്രഹാം മുത്തോലത്തിന്റെ പൗരോഹിത്യ റൂബി ജൂബിലി സമ്മേളനത്തിൽ വച്ചാണ് പിതാക്കന്മാർ ഫൗണ്ടേഷനും വെബ്സൈറ്റും ഉൽഘാടനം ചെയ്തത്. തനിക്കു പിതൃസ്വത്തായി ചേർപ്പുങ്കലിൽ ലഭിച്ച വിലപിടിപ്പുള്ള സ്ഥലം കോട്ടയം അതിരൂപതയുടെ സാമൂഹ്യസേവന വിഭാഗമായ കോട്ടയം സോഷ്യൽ സർവ്വീസ് സൊസൈറ്റിക്കു കൈമാറിയ മുത്തോലത്തച്ചൻ അതോടനുബന്ധമായി കൂടുതൽ സ്ഥലം വാങ്ങി നല്കുകയും അവയിൽ അഗാപ്പെ ഭവൻ, ഗുഡ് സമരിറ്റൻ സെന്റർ, മുത്തോലത്ത് ഓഡിറ്റോറിയം, ഇമ്പാക്ട് സെന്റർ എന്നിവ സ്ഥാപിക്കുന്നതിനു സാമ്പത്തിക സഹായം നല്കുകയും ചെയ്തു. അന്ധബധിരരുടെയും ബുദ്ധിമാന്ദ്യവും അംഗവൈകല്യവും ബാധിച്ച ഭിന്നശേഷിക്കാരുടെയും ഉന്നമനത്തിനുവേണ്ടിയുള്ളവയാണ് ഈ സ്ഥാപനങ്ങൾ. കോട്ടയം അതിരൂപതയുടെ മേൽനോട്ടത്തിൽ കോട്ടയം സോഷ്യൽ സർവ്വീസ് സൊസൈറ്റിയുടെ ഉടമസ്ഥതയിലാണ് ഈ സ്ഥാപനങ്ങൾ പ്രവർത്തിക്കുന്നത്.

കോട്ടയം സോഷ്യൽ സർവ്വീസ് സൊസൈറ്റിയുടെ മുൻ ഡയറക്ടറായിരുന്ന ഫാ. ഏബ്രഹാം മുത്തോലത്താണ് സ്വാശ്രയസംഘങ്ങളും ഭിന്നശേഷിക്കാർക്കുവേണ്ടിയുള്ള സി.ബി.ആർ. (കമ്മ്യൂണിറ്റി ബേസ്ഡ് റിഹാബിലിറ്റേഷൻ) പ്രോഗ്രാമുകളും കേരളത്തിൽ വിപുലമായ തോതിൽ ആദ്യം ആരംഭിച്ചത്. അപ്പോഴുണ്ടായ സൽ‌ഫലങ്ങളാണ് ഇത്തരം സേവനങ്ങൾക്കു സ്ഥിര സംവിധാനം തന്റെ ജന്മദേശത്തു തുടരുവാൻ അദ്ദേഹത്തെ പ്രേരിപ്പിക്കുന്നതെന്ന് തന്റെ ആമുഖ സന്ദേശത്തിൽ മുത്തോലത്തച്ചൻ പ്രസ്താവിച്ചു. ചേർപ്പുങ്കലെ ഈ സ്ഥാപനങ്ങൾ സ്ഥിതി ചെയ്യുന്ന പ്രദേശത്തിന് മുത്തോലത്ത് ഓഡിറ്റോറിയം ഉൽഘാടനം ചെയ്തു പ്രസംഗിച്ച കർദ്ദിനാൾ മാർ ജോർജ് ആലഞ്ചേരിയുടെ അഭിപ്രായ പ്രകാരം കോട്ടയം അതിരൂപത “മുത്തോലത്തു നഗർ“ എന്നു നാമകരണം ചെയ്തു. ഭാരതത്തിലെ വടക്കുകിഴക്കൻ മിഷൻ പ്രദേശങ്ങളിൽ പലപ്രാവശ്യം മിഷനറി തീർത്ഥാടനം നടത്തിയിട്ടുള്ള ഫാ. മുത്തോലത്ത് അരുണാചൽ പ്രദേശിലെ മിയാവു രൂപതയിൽ ആറു പള്ളികൾ നിർമ്മിക്കുന്നതിന് സാമ്പത്തിക സഹായം നല്കി. കോട്ടയം സോഷ്യൽ സർവ്വീസ് സൊസൈറ്റിയുടെയും മിയാവു രൂപതയുടെയും പദ്ധതികൾക്കു തുടർസഹായം നല്കുന്നതോടൊപ്പം സാമൂഹ്യസേവന പ്രവർത്തകരെയും ചെറുകിട കർഷകരെയും ഭിന്നശേഷിക്കാർക്കുവേണ്ടിയുള്ള സമൂഹാധിഷ്ഠിത പുനരധിവാസപ്രവർത്തനത്തെയും സ്വയാശ്രയസംഘങ്ങളെയും പ്രോത്സാഹിപ്പിക്കാനുതകുന്ന വിവിധ അവാർഡുകൾ കോട്ടയം സോഷ്യൽ സർവ്വീസ് സൊസൈറ്റി വഴി നല്കുവാൻ ഫൗണ്ടേഷൻ പദ്ധതി ഇട്ടിട്ടുണ്ട്. സാമൂഹ്യസേവനത്തിന്റെ നൂതന കാഴ്ചപ്പാടുകളെക്കുറിച്ച് ബോധവല്‍ക്കരണം നല്കത്തക്കവിധം സെമിനാറുകൾ സംഘടിപ്പിക്കുവാനും പുസ്തകങ്ങൾ പ്രസിദ്ധീകരിക്കുവാനും “ഫാ. ഏബ്രഹാം മുത്തോലത്തു ഫൗണ്ടേഷൻ“ പദ്ധതികൾ തയ്യാറാക്കിവരുന്നു.

ചിക്കാഗോ സീറോമലബാർ രൂപതയ്ക്കും ക്നാനായ റീജിയണും നിസ്തുല സേവനം കാഴ്ചവെയ്ക്കുന്നതോടൊപ്പം ഇടവകവികാരിയായും ആശുപത്രി ചാപ്ലെയിനായും സേവനം ചെയ്തുകൊണ്ട് അവയിലൂടെ ലഭിക്കുന്ന വരുമാനം മുഴുവൻ ഉപയോഗിച്ചു സാമൂഹ്യ സേവനം ചെയ്യുന്ന മുത്തോലത്തച്ചനെ മാർ ജേക്കബ് അങ്ങാടിയാത്തു പിതാവ് പ്രശംസിച്ചു. പുതിയ ഫൗണ്ടേഷനിലൂടെ ഈ സേവനങ്ങൾ കൂടുതൽ കാലം തുടരാനുള്ള അദ്ദേഹത്തിന്റെ സന്നദ്ധതയെ പിതാവ് വിലമതിച്ചു.അമേരിക്കയിലെ സീറോമലബാർ രൂപതയിലും ക്നാനായ റീജിയണിലും ദീർഘവീക്ഷണത്തോടെ പ്രവർത്തിക്കുന്ന മുത്തോലത്തച്ചൻ മിഷൻ രംഗത്തും സാമൂഹ്യസേവനരംഗത്തും ചെയ്യുന്ന സംഭാവനകൾ മറ്റുള്ളവർക്ക് മാതൃകയാണെന്നു സഹായ മെത്രാൻ മാർ ജോയി ആലപ്പാട്ട് ഫൗണ്ടേഷന്റെ വെബ്‌സൈറ്റ് ഉൽഘാടനം ചെയ്തുകൊണ്ടു പ്രസ്താവിച്ചു. സമ്മേളനത്തിൽ മേജർ ആർച്ചു ബിഷപ്പ് കർദ്ദിനാൾ മാർ ജോർജ് ആലഞ്ചേരിൽ, ആർച്ചുബിഷപ്പ് മാർ മാത്യു മൂലക്കാട്ട്, ബിഷപ്പ് മാർ ജോസഫ് പാമ്പ്ലാനി, മാർ ജോസഫ് പണ്ടാരശ്ശേരിൽ, ഗീവർഗീസ് മാർ അപ്രേം, മിയാവു ബിഷപ്പ് മാർ ജോർജ് പള്ളിപ്പറമ്പിൽ, കോഹിമാ മെത്രാൻ മാർ ജെയിംസ് തോപ്പിൽ, വികാരി ജാനറാൾ മോൺ. മൈക്കിൾ വെട്ടിക്കാട്ട് എന്നിവരുടെ വീഡിയോ സന്ദേശങ്ങൾ പ്രദർശിപ്പിച്ചു.തുടർന്ന് വികാരി ജനറാൾമാരായ മോൺ. തോമസ് മുളവനാൽ, മോൺ. തോമസ് കടുകപ്പള്ളിൽ, തോമസ് നെടുവാമ്പുഴ, സാബു നടുവീട്ടിൽ, ചിക്കാഗോ ക്നാനായ കാത്തലിക്‌ സൊസൈറ്റി പ്രസിഡന്റ് തോമസ് പൂതക്കരി എന്നിവർ പ്രസംഗിച്ചു. രൂപതാ പ്രോക്യുറേറ്റർ ഫാ. ജോർജ് മാളിയേക്കൽ, ചാൻസലർ ഫാ. ജോണിക്കുട്ടി പുലീശ്ശേരി എന്നിവരുൾപ്പെടെ 12 വൈദികരും, മദർ സി. സിൽവിരിയൂസ് ഉൾപ്പെടെ സിസ്റ്റേഷ്സും ചിക്കാഗോ സേക്രഡ് ഹാർട്ട് സെന്റ് മേരീസ് ക്നാനായ ഇടവകകളിലെ പ്രതിനിധികളും ചടങ്ങിൽ സന്നിഹിതയായിരുന്നു. എബ്രാഹം അരീച്ചിറയില്‍, സാബു മുത്തോലം, സണ്ണി മുത്തോലം, റ്റോണി പുല്ലാപ്പള്ളിൽ, റ്റിജോ കമ്മാപറമ്പില്‍, സണ്ണി മൂക്കേട്ട്, ബിനോയി കിഴക്കനടി, മോളി മുത്തോലം, ഷീബ മുത്തോലം എന്നിവരാണ് ചടങ്ങുകൾക്ക് നേതൃത്വം നൽകിയത്.              ബിനോയി സ്റ്റീഫൻ കിഴക്കനടി (പി. ആർ. ഓ.)

1-10 of 263