Home‎ > ‎

Recent News


കാനഡയിലെ മിസ്സിസാഗയിൽ പ്രഥമ ക്നാനായ ദൈവാലയം.

posted Mar 4, 2022, 1:20 PM by News Editor IL

ലണ്ടൻ, ഒന്റാരിയോ: നാൽപ്പതിൽ പരം വര്ഷങ്ങളുടെ കുടിയേറ്റ പാരമ്പര്യം അവകാശപ്പെടാവുന്ന കാനഡയിലെ ക്നാനായ സമൂഹത്തിന്റെ ചരിത്രത്തിൽ, കാനഡയിലെ പ്രഥമ ക്നാനായ ദൈവാലയം എന്ന സ്വപനം പൂവണിഞ്ഞു. കാനഡയിലെ സീറോ മലബാർ രൂപതയുടെ കീഴിലെ രണ്ടാമത്തെ ക്നാനായ മിഷനായ ലണ്ടൻ ക്നാനായാ മിഷനാണ് ദൈവാലയം സ്വന്തമാക്കികൊണ്ട് ഇടവകയായും മാറുന്നത്. ദൈവാലയത്തിന്റെ വാങ്ങൽ പ്രക്രിയ പൂർത്തിയായി താക്കോൽ മിഷൻ ഡയറക്റർ ഫാ പത്രോസ് ചമ്പക്കര കൈപ്പറ്റി. ദൈവാലയവും പാരിഷ് ഹാളും ഒക്കെ അടങ്ങുന്ന കെട്ടിടം പുതുതായി രൂപീകരിച്ച ക്നാനായ ഡയറക്ടറേറ്റിന്റെ പേരിലാണ് വാങ്ങിയിരിക്കുന്നത് എന്നത് ഇരട്ടിമധുരമായിരിക്കുന്നു. മെയ് മാസത്തിൽ വെഞ്ചിരിപ്പ്പ് കർമ്മം നടത്തുവാൻ ഉദ്ദേശിക്കുന്ന ദൈവാലയത്തിന്റെ സ്ഥാപനവുമായി ബന്ധപ്പെട്ട സഹായിക്കുകയും സഹകരിക്കുകയും ചെയ്ത എല്ലാവർക്കും പ്രത്യേകിച്ച് ലണ്ടൻ ക്നാനായ മിഷനിലെ എല്ലാ അംഗങ്ങൾക്കും കോട്ടയത്തെയും ടോറോന്റോയിലെയും രൂപതാ നേതൃത്വത്തിനും നന്ദി അറിയിക്കുന്നതായി മിഷൻ ഡയറക്ടർ ഫാ. പത്രോസ് ചമ്പക്കര അറിയിച്ചു.

1965 മുതൽ ക്നാനായ കുടിയേറ്റം നടന്നുപോന്നിരുന്ന കാനഡയിൽ ടൊറോന്റൊ കേന്ദ്രമായാണ് ക്നാനായ സമൂഹം ക്‌നാനായ കാത്തലിക്ക് അസ്സോസ്സിയേഷൻ ഓഫ് കാനഡയുടെ ( KCAC ) നേതൃത്വത്തിൽ രൂപം കൊണ്ടത്. അയൽ രാജ്യമായ അമേരിക്കയിൽ ആരംഭിച്ച ക്നാനായ ഇടവകകളുടെയും മിഷ്യനുകളുടെയും പ്രവർത്തനവും അതു വളർന്നുവരുന്ന പുതു തലമുറയിൽ ചൊലുത്തികൊണ്ടിരിക്കുന്ന സ്വാധീനവും കണ്ടു മനസ്സിലാക്കിയ ഇവിടുത്തെ സമൂഹം, കാനഡയിലും ക്നാനായക്കാർക്കായി സഭാസംവിധാനങ്ങൾ ഉണ്ടാകണമെന്നുള്ള ആഗ്രഹംമൂലം അന്നത്തെ നോർത്ത് അമേരിക്കൻ ക്നാനായ റീജിയൻ ഡയറക്ടറും ചിക്കാഗോ രൂപതാ വികാരി ജനറാളുമായിരുന്ന റവ. ഫാ. അബ്രാഹം മുത്തോലത്തിൻ്റെ നിർദ്ദേശപ്രകാരം ഡിട്രോയ്റ് ക്നാനായ കത്തോലിക്കാ പള്ളി വികാരി റവ. ഫാ. മാത്യു മേലേടത്തിന്റെയും ഇടവകാംഗങ്ങളുടെയും നേതൃത്വത്തിൽ 2012 നവംബർ 24 -) തിയതി ക്രിസ്തുരാജ തിരുനാളിൽ ക്നായായ സമുദായത്തിൻറെ തലപ്പള്ളിയായ കടുത്തുരുത്തി പള്ളി മുത്തിയമ്മയുടെ നാമദേയത്തിൽ സെൻറ് മേരീസ് ക്‌നാനായ കാത്തലിക്ക് കൂടാരയോഗം എന്ന നാമത്തിൽ പ്രാർത്ഥനാ കൂട്ടായ്മക്ക് തുടക്കം കുറിച്ചതോടെയാണ് കാനഡയിലെ ക്നാനായ ദൈവാലയം എന്ന സ്വപ്നത്തിന് തുടക്കമായത്.

2014 മെയ് 18 ന് കൂടാരയോഗത്തെ ഒരു മിഷ്യനായി ഉയർത്തുകയും പ്രധമ ചാപ്ലയിൻ ആയി റവ ഫാ ജോർജ് പാറയിലിനെ നിയമിക്കുകയും ചെയ്തു. 2015 സെപ്റ്റംബർ 19 ന് മിസ്സിസാഗാ കേന്ദ്രമായി Syro Malabar Exarchate സ്ഥാപിക്കപെടുകയും അഭിവന്യ മാർ ജോസ് കല്ലുവേലിയേ പ്രഥമ Exarch ആയി നിയമിക്കപ്പെടും ചെയ്തതിന് ശേഷം, മെത്രാഭിഷേക ചടങ്ങിൽ സംബന്ധിക്കാൻ എത്തിയ അതിരൂപതാ സഹായ മെത്രാൻ മാർ ജോസഫ് പണ്ടാരശ്ശേരിയുടെ പ്രേത്യേക താല്പര്യപ്രകാരം 2016 ജുലൈ ദുക്റാന തിരുനാൾ മദ്ധ്യേ റവ ഫാ പത്രോസ് ചമ്പക്കരയെ ക്നാനായ മിഷ്യൻ്റെ മുഴുവൻ സമയ ചാപ്ലയിൻ ആയി കോട്ടയം അതിരൂപതയിൽ നിന്നു നിയമിക്കുകയുണ്ടായി. പത്രോസച്ചൻറെ ദീർഘവീഷണത്തോടെയുള്ള പ്രവർത്തനത്തിന്റെ ഭാഗമായി ആരംഭം കുറിച്ച എല്ലാ ഞായറാഴ്ചകളിലെ ദിവ്യബലിയും കുട്ടികൾക്കുള്ള വിശ്വാസ പരിശീലനവും സമുദായ ബോധവൽക്കരണ ക്ലാസ്സുകളും സ്‌നേഹവിരുന്നും ചിതറി കിടന്നിരുന്ന സമുദായ അംഗങ്ങളെ ഒരു സഭാ സമൂഹമായി മാറ്റുവാൻ സാധിച്ചു. പ്രാദേശികാടിസ്ഥാനത്തിൽ സ്ഥാപിക്കപ്പെട്ട കൂടാരയോഗ പ്രവർത്തനങ്ങളിലൂടെ കൂടുതൽ അജപാലന പ്രവർത്തനങ്ങൾ ഏകോപിപ്പിക്കപ്പെടുകയും പിന്നീട് ഈ സമൂഹത്തിൻറെ വളർച്ചക്കുള്ള നാഴിക കല്ലായി മാറുകയും ചെയ്തു. കാനഡയിലെ വിവിധ പ്രൊവിൻസുകളിൽ വസിക്കുന്ന എല്ലാ ക്നാനായ മക്കളെയും അജപാലനം ക്രെമീകരിക്കുവാനായി കാനഡ സിറോമലബാർ രൂപതയുടെ കീഴിൽ 2018 ഫെബ്രുവരി 18നു Knanaya Catholic Directorate of Canada സ്ഥാപിക്കുകയും ഈ ദിനത്തിൽ തന്നെ ക്നാനായ മിഷ്യനെ ഒരു ഇടവകയായി ഉയർത്തുകയും ചെയ്തു.

പിന്നീട് ഒന്റാരിയോയിലെ ലണ്ടനിലേക്ക് മിസ്സിസാഗയിലെ ക്നാനായ ഇടവകയിൽ നിന്നും നടന്ന കുടിയേറ്റങ്ങളുടെ ഭാഗമായി അവിടെ കൂടാരയോഗങ്ങൾ സ്ഥാപിക്കുകയും, ഈ കൂടാര യോഗത്തെ Sacred Heart Knanaya Catholic Mission London എന്ന പേരിൽ 2018 ഒക്ടോബർ 14 ന് മാറ്റുകയും ചെയ്തു. ഇത് കൂടാതെ സ്കാർബറോ കൂടാരയോഗത്തെ 2019 മെയ് 18 ന് Holy Family Knanaya Catholic Mission Ajax ആയി സ്ഥാപിക്കുകയും ചെയ്തിരുന്നു. ഒരു ഇടവകയും രണ്ടു മിഷനുകളും എന്ന സ്ഥിതിയിൽ നിന്നാണ് സ്വന്തമായി ദൈവാലയത്തെ സ്ഥാപിച്ചുകൊണ്ട് ലണ്ടൻ ക്നാനായ മിഷൻ കാനഡയിലെ ക്നാനായ ചരിത്രത്തിലെ സുപ്രധാന ഈടായി മാറുന്നത്. സേക്രട്ട് ഹാർട്ട് ക്നാനായ കാത്തലിക് മിഷൻ, ലണ്ടൻ ഡയറക്ടറായി ഫാ പത്രോസ് ചമ്പക്കരയും കൈക്കാരൻമാരായി സാബു തറപ്പേലും ബൈജു കളമ്പംകുഴിയിലും, സെക്രട്ടറി & PRO സന്തോഷ് മേക്കര, ബിൽഡിംഗ് കമ്മറ്റി ചെയർമാൻ ജോജി വണ്ടൻകുഴിയിൽ നേതൃത്വത്തിൽ
ബിൽഡിംഗ് കമ്മറ്റിയും പാരീഷ് കൗൺസിൽ അംഗങ്ങളും നേതൃത്വം നൽകിവരുന്നു.

ചെറുപുഷ്‌പ മിഷൻ ലീഗിന്റെ ചിക്കാഗോ ഫൊറോനാതല ഭാരവാഹികളെ തിരഞ്ഞെടുത്തു.

posted Mar 4, 2022, 1:11 PM by News Editor IL

ചിക്കാഗോ: ക്‌നാനായ റീജിയണിലെ ചെറുപുഷ്‌പ മിഷൻ ലീഗിന്റെ ചിക്കാഗോ ഫൊറോനാതല ഭാരവാഹികളെ തിരഞ്ഞെടുത്തു. ജെയിംസ് കുന്നശ്ശേരി ചിക്കാഗോ (പ്രസിഡന്റ്), നെസ്സിയ മുകളേൽ ഡിട്രോയിറ്റ് (വൈസ് പ്രസിഡന്റ്), സെറീനാ മുളയാനിക്കുന്നേൽ ചിക്കാഗോ (സെക്രട്ടറി), മേഘൻ മംഗലത്തേട്ട് ഡിട്രോയിറ്റ് (ജോയിൻറ് സെക്രട്ടറി) എന്നിവരാണ് പുതിയ ഭാരവാഹികൾ. മിഷൻ ലീഗ് ക്‌നാനായ റീജിയണൽ ഡയറക്ടർ ഫാ. ബിൻസ് ചേത്തലിൽ, റീജിയണൽ ജനറൽ ഓർഗനൈസർ സിജോയ് പറപ്പള്ളിൽ, ഓർഗനൈസർ സുജ ഇത്തിത്തറ എന്നിവർ തിരഞ്ഞെടുപ്പിന് നേതൃത്വം നൽകി.

പേത്രത്താ ആഘോഷം;പിടി വിരുന്ന് ഒരുക്കി വ്യത്യസ്ഥമാക്കി.

posted Mar 4, 2022, 1:08 PM by News Editor IL

ന്യൂജേഴ്സി ക്രിസ്തുരാജ ക്‌നാനായ കത്തോലിക്ക ഇടവകയിൽ അമ്പത് നോമ്പിന് ഒരുക്കമായുള്ള പേത്രത്താ ആഘോഷം വിവിധ മിനിസ്ട്രികളുടെ നേതൃത്വത്തിൽ പിടി വിരുന്ന് ഒരുക്കി വ്യത്യസ്ഥമാക്കി. കുഞ്ഞ് കുട്ടികൾ മുതൽ മുതിർന്നവർ വരേ എല്ലാവരും ഈ സ്നേഹ കൂട്ടായ്മയിൽ പങ്കെടുത്തു. രാവിലെ മുതൽ വൈകിട്ട് വരേ നടന്ന പിടിവിരുന്ന് മഹോത്സവം ഒരു നവ്യാനുഭവമാക്കി ഇടവക സമൂഹം ആഘോഷിച്ചു

ചിക്കാഗോ: ചെറുപുഷ്‌പ മിഷൻ ലീഗ് ചിക്കാഗോ സീറോ മലബാർ രൂപതാ നേതൃത്വ സംഗമം നടത്തി.

posted Mar 4, 2022, 1:04 PM by News Editor IL

ചിക്കാഗോ രൂപതാ സഹായ മെത്രാൻ മാർ ജോയ് ആലപ്പാട്ട് ചെറുപുഷ്‌പ മിഷൻ ലീഗ്  സീറോ മലബാർ രൂപതാ നേതൃത്വസംഗമം ഉദ്ഘാടനം ചെയ്‌തു. ചെറുപുഷ്‌പ മിഷൻ ലീഗ് രൂപതാ ഡയറക്ടർ ഫാ. ജോർജ്ജ് ദാനവേലിൽ ആമുഖപ്രസംഗം നടത്തി. സിജോയ് പറപ്പള്ളിൽ ക്‌ളാസ്സ്‌ നയിച്ചു. സിസ്റ്റർ ആഗ്നസ് മരിയാ സ്വാഗതവും റ്റിസൺ തോമസ് നന്ദിയും പറഞ്ഞു. ഫാ. ബിൻസ് ചേത്തലിൽ, ഫാ. ടെൽസ് കട്ടുപാലത്ത്, ജിമ്മിച്ചൻ മുളവന, സോഫിയ മാത്യു എന്നിവർ സംസാരിച്ചു. വിവിധ ഇടവകളിൽ നിന്നുള്ള മിഷൻ ലീഗിന്റെ ഓർഗനൈസർമാരും വൈസ് ഡിറക്ടർമാരും മീറ്റിംഗിൽ പങ്കെടുത്തു.

ഡാലസ് ക്രൈസ്റ്റ് ദി കിംഗ് ക്നാനായ കാത്തലിക് ചർച്ച്, ഡാളസ് ദശവാർഷിക ആഘോഷ സുവനീർ പ്രസിദ്ധീകരിച്ചു.

posted Mar 4, 2022, 12:57 PM by News Editor IL   [ updated Mar 4, 2022, 1:01 PM ]



ഡാലസ്: ക്രൈസ്റ്റ് ദി കിംഗ് ക്നാനായ കാത്തലിക് ചർച്ച്, ഡാളസ്
ദശവാർഷിക  ആഘോഷ സുവനീർ (Decennial celebration souvenir) പ്രസിദ്ധീകരിച്ചു.ഫെബ്രുവരി 27 ഞായറാഴ്ച്ച വിശുദ്ധ കുർബാനയ്ക്ക് ശേഷം  ഇടവക വികാരി റവ. ഫാ.എബ്രഹാം കളരിക്കൽ സുവനീർ  ഔദ്യോഗികമായി പ്രകാശനം ചെയ്തു.ഈ സുവനീറിൽ ഇടവകയുടെ  ചരിത്ര സംഭവങ്ങൾ, മുൻ വികാരിമാർ  & അഡ്മിനിസ്ട്രേഷൻസ്, വിവിധ ശുശ്രൂഷകളുടെ പ്രവർത്തനങ്ങൾ, 330  കുടും ബങ്ങളുടെ വിവരങ്ങൾ കുടുംബ ചിത്രങ്ങൾ  എന്നിവ ഉൾപ്പെടുത്തിയിട്ടുണ്ട് . മുൻ പാസ്റ്റർ ഫാ.റെന്നി കട്ടേലിന്റെ നേതൃത്ത്വത്തിൽ  2021 ഫെബ്രുവരിയിൽ ആറംഗ സുവനീർ കമ്മിറ്റി രൂപീകരിച്ചു പ്രവർത്തനം ആരംഭിച്ചിരുന്നു.  സന്തോഷ് ചക്കുങ്ങൽ, ജോതി സുബാഷ് അരീച്ചിറ, വിനിൽ പാലുത്തറ, ബൈജു ആലപ്പാട്ട്, ജോൺസ് ജോയ് ചോരത്ത് എന്നിവരാണ് കമ്മിറ്റി അംഗങ്ങൾ. സുവനീർ കമ്മിറ്റിയുടെ ഒരു വർഷത്തെ കഠിനാധ്വാനത്തിനും  സേവനത്തിനും വികാരി  ഫാ. എബ്രഹാം കളരിക്കൽ , ട്രസ്റ്റികൾ, ഇടവകാംഗങ്ങൾ എന്നിവർ ചേർന്നു  അനുമോദനം രേഖപ്പെടുത്തി.

  -ബൈജു ആലപ്പാട്ട്, PRO

യൂത്ത് മിനിസ്ട്രി ഡയറക്ടറി പ്രകാശനം ചെയ്തു.

posted Mar 4, 2022, 12:52 PM by News Editor IL

 ഫെബ്രുവരി 22 ചൊവ്വാഴ്ച ക്നാനായ റീജിയണിലെ യൂത്ത് മിനിസ്ട്രിയുടെ നേതൃത്വത്തിൽ യൂത്ത് മിനിസ്ട്രി ലീഡേഴ്സ് ഡയറക്ടറി ക്നാനായ റീജിയൻ വികാരി ജനറൽ മോൺ.തോമസ്സ് മുളവനാൽ പ്രകാശനം ചെയ്തു. ചിക്കാഗോ സെ.മേരീസ് ക്നാനായ കത്തോലിക്കാ ദേവാലയത്തിൽ ചേർന്ന് യോഗത്തിൽ യൂത്ത് മിനിസ്ട്രി ഡയറക്ടർ ഫാ. ബിൻസ് ചേത്തലിൽ. ജോയിന്റ് ഡയറക്ടർ ഫാ.ജോസഫ് തച്ചാറ , സെന്റ്.മേരീസ് ദൈവാലയ കൈക്കാരൻമാർ, യൂത്ത് മിനിസ്ട്രി ലീഡേഴ്സ് എന്നിവർ പരിപാടിയിൽ പങ്കെടുത്തു. യൂത്ത് മിനിസ്ട്രി കർമ്മപരിപാടികൾ അന്നേ ദിവസം പ്രത്യേകം ചർച്ച ചെയ്തു.

ReplyForward

ഷിക്കാഗോ തിരുഹ്യദയ ക്നാനായ ഫൊറോനാ ദൈവാലയത്തിൽ വി.വിൻസെന്റ് ഡീ പോളിന്റെ തിരുനാൾ ഭക്തിപൂർവ്വം ആഘോഷിച്ചു.

posted Oct 16, 2021, 2:49 PM by News Editor IL


ഷിക്കാഗോ: ഷിക്കാഗോ തിരുഹ്യദയ ക്നാനായ ഫൊറോനാ ദൈവാലയത്തിൽ, 2021 ഒക്ടോബർ 10 ഞായറാഴ്‌ച രാവിലെ 9:45 ന്, ഫൊറോനാ വികാരി വെരി. റവ. ഫാ. ഏബ്രഹാം മുത്തോലത്തിന്റെ കാർമ്മികത്വത്തിൽ വി.വിൻസെന്റ് ഡീ പോളിന്റെ തിരുനാൾ ഭക്തിപൂർവ്വം ആഘോഷിച്ചു. ഫാ. ഏബ്രഹാം മുത്തോലത്ത് , അൾത്താര ശുശ്രുഷികൾ, വിൻസിഷ്യൻ അംഗങ്ങൾ എന്നിവർ പ്രദക്ഷിണത്തോടെ ദൈവാലയത്തിൽ പ്രവേശിച്ചു. തുടർന്ന് തിരുസ്വരൂപത്തിൽ ധുപാർപ്പണം ചെയ്ത് ആഘോഷങ്ങൾക്ക് തുടക്കം കുറിച്ചു. ബഹു. മുത്തോലത്തച്ചൻ തന്റെ തിരുനാൾ സന്ദേശത്തിൽ വാഴ്ത്തപ്പെട്ട ഫ്രെഡറിക് ഓസ്സാനാമിന്റേയും, സെന്‍റ് വിന്‍സെന്‍റ് ഡി പോളിന്റേയും കാരുണ്യ പ്രവർത്തികൾ അനുസ്മരിച്ചു. സെന്‍റ് വിന്‍സെന്‍റ് ഡി പോള്‍ സൊസൈറ്റിയുടെ പ്രത്യേകിച്ച് ഈ ദൈവാലയശാഖയുടെ പ്രവർത്തനങ്ങൾ വിശദീകരിക്കുകയും, ബിനോയി കിഴക്കനടിയുടെ നേത്യുത്വത്തിലുള്ള എക്സിക്കുട്ടീവിന്റെ പ്രവർത്തനങ്ങളെ അഭിനന്ദിക്കുയും ചെയ്തു. കുദാശകളിൽനിന്നുമുളവാകുന്ന ദൈവസ്നേഹത്തിലധിഷ്ഠിതമായ പരസ്‌നേഹ പ്രവര്‍ത്തനങ്ങളാണ് നമ്മെ സ്വർഗ്ഗരാജ്യത്തിന് അർഹരാക്കുന്നതെന്നും, ദൈവമക്കളായ നമ്മളോരോരുത്തരും വിശുദ്ധിയിലേക്ക് വിളിക്കപ്പെട്ടവരാണെന്നും ബഹു. അച്ഛൻ ഉത്‌ബോധിപ്പിച്ചു. റവ. ഫാ. ഏബ്രഹാം മുത്തോലത്ത് തിരുനാളിന്റെ എല്ലാ മംഗളങ്ങൾ ആശംസിക്കുകയും ചെയ്തു.

2020 – 2021 പ്രവർത്തന വർഷത്തിൽ രഹസ്യപിരിവിലൂടെയും, സഹായാംഗങ്ങളിൽ നിന്നും $1700 ഡോളറോളം സമാഹരിക്കുകയും, കോവിഡിന്റെ കാലത്ത് രോഗികൾക്കും, വികലാംഗർക്കും അനാഥാലയങ്ങൾക്കും, നിരാലംബർക്കും ജീവകാരുണ്യ പ്രവർത്തനങ്ങൾക്ക് 7500 ഡോളറോളം നൽകുകയും ചെയ്തു. സൊസൈറ്റിയിലൂടെ ദൈവം നൽകിയ എല്ലാ അനുഗ്രഹങ്ങൾക്കും നന്ദിയർപ്പിക്കുകയും, തുടർന്നുള്ള പ്രവർത്തനങ്ങളെ സ്നേഹസമ്പന്നനായ ദൈവത്തിനു സമർപ്പിക്കുകയും ചെയ്തു. വിന്‍സെന്‍ഷ്യന്‍ പ്രവര്‍ത്തനങ്ങള്‍ക്ക് മാര്‍ഗ്ഗനിര്‍ദ്ദേശവും പ്രോത്സാഹനവും നല്കിവരുന്ന ആത്മീയോപദേഷ്ടാവ് ബഹു. എബ്രാഹം മുത്തോലത്തച്ചനും, കോണ്‍ഫ്രന്‍സിന്‍റെ കര്‍മ്മപദ്ധതികള്‍ വിജയകരമായി നടപ്പിലാക്കാന്‍ സഹായിച്ചുവരുന്ന വിന്‍സെന്‍ഷ്യന്‍ എക്സിക്കുട്ടീവിനും, പ്രവർത്തകർക്കും, സഹായാംഗങ്ങൾക്കും റിപ്പോർട്ടിൽ നന്ദി പ്രകാശിപ്പിച്ചു. നമ്മളിൽ നിന്ന് വെർപിരിഞ്ഞ സെന്റ് വിന്‍സെന്റ് ഡി പോളിന്റെ എല്ലാ പ്രവർത്തകരേയും, പ്രത്യേകിച്ച് മുൻ എക്സിക്കൂട്ടീവ് അംഗങ്ങളേയും നന്ദിയോടെ സ്മരിച്ചു. ശ്രീ ജോയി കുടശ്ശേരിയുടെ നേതൃത്വത്തിലുള്ള ഗായകസംഘം ശ്രുതിമധുരമായ ഗാനങ്ങൾ ആലപിച്ച് തിരുനാൾ ഭക്തി സാന്ദ്രമാക്കി. ശ്രീ കുര്യൻ നെല്ലാമറ്റം, ഫിലിപ്പ് കണ്ണോത്തറ എന്നിവരാണ് അൾത്താര ശുശ്രുഷകൾക്ക് നേതൃത്വം നൽകിയത്. എക്സിക്കൂട്ടീവ് അംഗങ്ങളായ എബ്രാഹം അരീച്ചിറയില്‍, റ്റിജോ കമ്മാപറമ്പില്‍, സണ്ണി മൂക്കേട്ട്, സാബു മുത്തോലം, ലെനിന്‍ കണ്ണോത്തറ, മേഴ്‌സി ചെമ്മലക്കുഴി, സണ്ണി മുത്തോലം, ബിനോയി കിഴക്കനടി എന്നിവരാണ് ചടങ്ങുകൾക്ക് നേതൃത്വം നൽകിയത്.

BINOY STEPHEN

ഹൂസ്റ്റണിൽ ചെറുപുഷ്പ മിഷൻ ലീഗിന്റെ പ്ലാറ്റിനം ജൂബിലി ഉദ്ഘാടനം ചെയ്തു.

posted Oct 16, 2021, 2:46 PM by News Editor IL


ഹൂസ്റ്റൺ: പ്ലാറ്റിനം ജൂബിലിയിലേക്ക് പ്രവേശിക്കുന്ന ചെറുപുഷ്പ മിഷൻ ലീലീഗിന്റെ ഇടവകതല ഉദ്ഘാടനം ഹൂസ്റ്റൺ സെൻ്റ് മേരീസ് ക്‌നാനായ കത്തോലിക്കാ ഫൊറോനാ പള്ളയിൽ ഒക്ടോബർ 3 ഞായറാഴ്‌ച നടത്തി. ഫൊറോനാ വികാരി റവ. ഫാ. സുനി പടിഞ്ഞാറേക്കര ദീപം തെളിച്ച് കൊണ്ട് ജൂബിലി ആഘോഷങ്ങൾക്ക്‌ തുടക്കം കുറിച്ചു. രാവിലെ 9 മണിക്ക് വിശുദ്ധ കുർബാനയോകൂടി ആരംഭിച്ച പരിപാടിയിൽ മിഷൻ ലീഗ് അംഗങ്ങൾക്ക് വേണ്ടി പ്രാർത്ഥനകൾ അർപ്പിക്കുകയും പുതിയ ഭാരവാഹികൾ സത്യ പ്രതിജ്ഞ ചെയ്ത് ശുശ്രൂഷ ഏറ്റെടുക്കുകയും ചെയ്തു. മിഷൻ ലീഗ് അംഗങ്ങൾ പ്ലാറ്റിനം ജൂബിലി ഗാനം ആലപിച്ചു. മിഷൻ ലീഗ് സ്ഥാപകനായ കുഞ്ഞേട്ടൻ്റെയും ഉദ്ഘാകാടനം നിർവഹിച്ച മാർ. തോമസ് തറയിൽ പിതാവിൻ്റെയും സ്വർഗീയ മധ്യസ്ഥരായ തോമാശ്ലീഹായുടെയും അൽഫോൻസാമ്മയുടെ യും കൊച്ചുത്രേസ്യയു ടേയും വേഷമണിഞ്ഞ് എത്തിയ കുട്ടികൾ ചടങ്ങിന് കൂടുതൽ മികവേകി.

നന്മയും സഹാനുഭൂതിയും കുഞ്ഞുങ്ങളിൽ വളർത്താൻ മിഷൻ ലീഗ് പ്രവർത്തനങ്ങൾ എങ്ങനെ സഹായിക്കുന്നു എന്ന് സുനി അച്ചൻ തൻ്റെ പ്രസംഗത്തിൽ അനുസ്മരിച്ചു. സ്നേഹം, ത്യാഗം, സേവനം, സഹനം എന്നീ മുല്യങ്ങളിൽ സമർപ്പിതമായ കുഞ്ഞു മിഷിനറിമാരെ വാർത്തെടുക്കുക എന്ന ലക്ഷ്യത്തോടെയാണ് ചെറുപുഷ്പ മിഷൻ ലീഗ് ലോകമെമ്പാടും പ്രവർത്തിച്ചു വരുന്നത്. പതാക ഉയർത്തലിനും മിഷൻ ആന്തത്തിനും ശേഷം അവസാനിച്ച പരിപാടികൾക്ക് വൈസ് ഡയറക്ടർ സി. ജോസിയ എസ്.ജെ.സി, മതബോധന ഡയറക്ടർ രാരിച്ചൻ ചെന്നാട്ട്, സി. റെജി എസ്.ജെ.സി, സി. ജോയ്സി എസ്.ജെ.സി, ഓർഗനൈസർമാരായ ലൂസി ഐക്കരേത്ത്, ഷീബ താന്നിച്ചുവട്ടിൽ എന്നിവർ നേതൃത്വം നൽകി.

സിജോയ് പറപ്പള്ളിൽ

ഡാളസ് ക്രസ്തുരാജ ക്‌നാനായ ദൈവാലയത്തിലെ നാലു ദിവസം നീണ്ടു നിന്ന യൂത്ത് തിരുന്നാൾ ആഘോഷപൂർവം സമാപിച്ചു.

posted Oct 16, 2021, 2:44 PM by News Editor IL


ഡാളസ് ക്രസ്തുരാജ ദേവാലയത്തിൽ നാലു ദിവസം നീണ്ടു നിന്ന യൂത്ത് തിരുന്നാൾ ആഘോഷപൂർവം സമാപിച്ചു. കഴിഞ്ഞ ഒരു വര്ഷക്കാലത്തെ ഒരുക്കത്തോടുകൂടി പുതിയ തലമുറ ആവേശത്തോടെ ഏറ്റെടുത്ത തിരുന്നാൾ യുവജനങ്ങളുടെ സംഘാടക മികവു കൊണ്ടും പങ്കാളിത്തം കൊണ്ടും ആഗോള ശ്രദ്ധ നേടി. ഡാളസ് CTK യൂത്ത് മിനിസ്ട്രി നേതൃത്വം കൊടുത്ത തിരുനാൾ നോർത്ത് അമേരിക്കയിലെ ക്നാനായ യുവതലമുറക്ക് വിശ്വാസപരമായ ഒരു ജീവിതം നയിക്കുന്നതിന് തീർച്ചയായും പ്രചോദനം നൽകുന്നതാണ്. പ്രധാന തിരുനാള്‍ ദിനമായ ഒക്ടോബര്‍ 10 ഞായറാഴ്ച വൈകുന്നേരം 4.30 ന് റവ.ഫാ.ജോസ് തറയ്ക്കല്‍ ആഘോഷമായ തിരുനാള്‍ റാസയ്ക്ക് മുഖ്യ കാര്‍മ്മികത്വം വഹിച്ചു. ഫാ.ക്രിസ്റ്റി ജേക്കബ്, ഫാ.ബോബന്‍ വട്ടംപുറത്ത്, ഫാ.ബോബന്‍ പുതിയാപറമ്പില്‍, ഫാ.വില്‍സ്സണ്‍ വട്ടപ്പറമ്പില്‍ എന്നിവര്‍ സഹകാര്‍മ്മികത്വം വഹിച്ചു. റവ.ഫാ.കെവിന്‍ മുണ്ടയ്ക്കല്‍ തിരുനാള്‍ സന്ദേശം നല്‍കി. തുടര്‍ന്ന് തിരുനാള്‍ പ്രദക്ഷിണവും, പരിശുദ്ധ കുര്‍ബാനയുടെ ആശീര്‍വാദത്തോടും കൂടി തിരുനാള്‍ പരിസമാപ്തി കുറിച്ചു. വികാരി ഫാ. റെന്നി കട്ടേൽ തിരുനാൾ ക്രമീകരണങ്ങൾക്കു നേതൃത്വം നൽകി.

ന്യൂയോർക്ക് സെൻറ് സ്റ്റീഫൻസ് ഇടവക ജേതാക്കൾ

posted Oct 16, 2021, 2:37 PM by News Editor IL


ന്യൂയോർക്ക് ക്നാനായ കത്തോലിക്ക ഫൊറോനയുടെ യൂത്ത് മിനിസ്ടിയുടെ നേതൃത്വത്തിൽ നടന്ന ക്രിക്കറ്റ് ടൂർണ്ണമെന്റിൽ ന്യൂയോർക്ക് സെന്റ് സ്റ്റീഫൻസ് ഫൊറോന ഇടവക യൂത്ത് മിനിസ്ടി ജേതാക്കൾ ആയി. റോക്ക് ലാൻഡ്, ന്യൂജേഴ്സി ഇടവകയിൽ നിന്നുമുള്ള യൂത്ത് മിനിസ്ട്രി ടീം മത്സരത്തിൽ പങ്കെടുത്തിരുന്നു.’ വിജയികൾക്ക് ഫൊറോന വികാരി ഫാ.ജോസ് തറയ്ക്കൽ ട്രോഫി നൽകി. വിജയികളെയും പങ്കെടുത്ത മറ്റ് ടീം അംഗങ്ങളെയും പ്രത്യേകമായി അഭിനന്ദിച്ചു.ഫാ.ബിബി തറയിൽ, ഫാ.ബിൻസ് ചേത്തലിൽ എന്നിവർ തങ്ങളുടെ ഇടവക ടിം അംഗങ്ങൾക്ക് നേതൃത്വം നൽകി ‘ഒരു ദിവസം നീണ്ട് നിന്ന മത്സരം നൂയോർക്ക് സെന്റ് സ്റ്റീഫൻസ് ഫൊറോന ഗ്രൗണ്ടിൽ വച്ച് നടത്തപ്പെട്ടു.

1-10 of 297